Jo Shaksh Gawahi De

Bismillah Hir Rahman Nir Raheem

Ubada Bin Samit (Radhi Allahu Ta’ala Anhu) Ne Kaha Ki, Rasool Allah (Sallallahu Alaihay Wasallam) Ne Farmaya, “Jo Shaksh (Sachchey Dil Se) Gawahi De Ki Allah Ke Siwa Koi Ibadat Ke Layaq Nahi Aur Muhammad (Sallallahu Alaihay Wasallam) Allah Ke Rasool Hain, Toh Allah Subhanahu Uss Par Jahannam Ko Haraam Kar Dega”.

-: (Sahih Muslim, Vol 1, 142)

Aadmi Ke Bura Hone Ke Liye

Bismillah Hir Rahman Nir Raheem

Nabi Paak Sallallahu Alaihay Wasallam Ne Farmaya: “Aadmi Ke Bura Hone Ke Liye Yehi Kafi Hai Ke Who Apne Musalman Bhai Ko Haqeer Samjhe.”

- (Sahih Muslim :: Kitabul Bar-Hadees 2523)

Rishtedaron Ke Sath Achchha Sulook

Bismillah Hir Rahman Nir Raheem

Huzoor (Sallallahu Alaihi Wasallam) Ka Farman-E-Alishan Hai: “Rishtedaron Ke Sath Achchha Sulook Karna Khandaan Me Mohabbat, Maal Me Kasrat Aur Umr Me Barkat Paida Karati Hai.”

-: (Tirmizi Sharif)

Uski Taraf Se Sadqa Hai

Bismillah Hir Rahman Nir Raheem

Hazrat Anas Bin Malik (RadiAllahu Anhu) Se Riwayat Hai Ki, Rasool Allah(Sallallahu Alahi Wasallam) Ne Farmaya, “Koi Bhi Musalman Jo Ek Darakht Ka Paudha (Small Tree) Lagaye Ya Khet Me Beej Boye Phir Uss Sey Parinda Ya Insaan Ya Janwar Jo Bhi Khate Hain Wo Uski Taraf  Se Sadqa Hai.”

-: (Sahih Bukhari)

Mera Paigham Logon Tak Pahuchao

Bismillah Hir Rahman Nir Raheem

Abdullah Bin Amr (Radi Allahu Anhu) Se Rivayat Hai Ki, Rasool Allah (Sallallahu Alaihi Wasallam) Ne Farmaya, “Mera Paigham Logon Tak Pahuchao Chahe Ek Hi Aayat Ho, Aur Jisney Mujh Par Jaanbujh Kar (Intentionally) Jhoot Bola Usey Jahannam Me Apney Thikaney Ke Liye Tayyar Rahna Chahiye.

-: (Sahih Bukhari)

Do Neymate Aiseee Hain

Bismillah Hir Rahman Nir Raheem

Abdullah Ibn Abbas (Radi Allahu Anhu) Se Rivayat Hai Ki RasoolAllah (Sallallahu Alaihi Wasallam) Ne Farmaya: “Do Neymate Aiseee Hain Ki Aksar Log Unki Qadar Nahi Kartey (1) Sehat (Health) Aur (2) Fursat (Achchey Kaam Karney Ke Liye).

-: (Sahih Bukhari)

Tihaai Quraan Ke Barabar

Bismillah Hir Rahman Nir Raheem

Hazrat Abu Darda Radhi Allahu Anhu Ne Kaha Ki, Huzur Sallallahu Alaihay Wasallam Ne Farmaya: “Kya Tum Me Se Koi Aadmi Raat Ke Waqt Tihaai Quraan Nahi Padh Sakta?

Sahaba Ne Pucha Ya Rasool Allah ! Tihaai Quraan Kaise Padha Jaaye?
Huzur Ne Farmaya Surah Ikhlas Tihaai Quraan Ke Barabar Hai.”

-: (Muslim Sharif)

Aapas Me Hasad Na Karo

Bismillah Hir Rahman Nir Raheem

Nabi-e-Kareem (Sallallahu Alaihi Wasallam) Irshad Farmate Hain Ki, “Aapas Me Hasad Na Karo, Aapas Me Bugz Wa Adaawat (Dushmani) Na Rakho, Peeth Piche Ek Dusre Ki Buraai Bayaan Na Karo Aur Aye Allah Ke Bando Bhai Bhai Ho Kar Raho”.

-: (Sahih Bukhari, Jild 4, Page No-117, Hadees No-6066)

Tum Me Se Koi Shakhs Imaanwala Na Hoga

Bismillah Hir Rahman Nir Raheem

Hazrat Anas (Razi Allahu Ta’ala Anhu) Farmate Hai Ke, Nabi-e-Kareem (Sallallahu Ta’ala Alaihi Wa Aalihi Wa Sallam) Ne Farmaya, “Tum Me Se Koi Shakhs Imaanwala Na Hoga, Jab Tak Apne Bhai Ke Liye Wo Na Chahe Jo Apne Nafs Ke Liye Chahta Hai”.

-: (Sahih Bukhari, Kitab-Al-Imaan)

Gunaho Mein Se Bada Gunaah

Bismillah Hir Rahman Nir Raheem

Rasool’Allah (Sallallahu Alaihay Wasallam) Irshad Farmate Hai,
“Gunaho Mein Se Bada Gunaah Yeh Hai Ki Aadmi Apne Maa-Baap Par Laanat Kare,
Logon Ne Kaha, Aye Allah Ke Rasool (Sallallahu Alaihay Wasallam) ! Bhala Kaun Apne Maa Baap Par Laanat Karega ?
Aap (Sallallahu Alaihay Wasallam) Ne Farmaya, Matlab Ki, “Ek Shaks Dusre Ke Baap Ko Gaali De Aisa Hai Ki Woh Apne Baap Ko Gaali De, Aur Dusre Ki Maa Ko Gaali De Aisa Hai Ki Woh Apni Maa Ko Gaali De.”

-: (Sahih Bukhari, Kitab-Ul-Adab, Hadees No#5973)

Badzubani Zulm Hai

Bismillah Hir Rahman Nir Raheem

Hazrat Abu Hurairah (Razi Allah Taa’la Anhu) Se Riwayat Hai Ki Rasool’Allah (Sallallahu Ta’ala Alaihi Wa Aalihi Wa Sallam) Ne Farmaya, “Badzubani Zulm Hai Aur Zulm Jahannam Me Hai. Hayaa Imaan Hai Aur Imaan Jannat Me Hai”.

-: ( Tirmizi Sharif )

Jo Shakhs Logon Se Sawaal Kare

Bismillah Hir Rahman Nir Raheem

Farman-e-Mustafa (Sallallahu Alaihi WaSallam) Hai Ke, “Jo Shakhs Logon Se Sawaal Kare (Bila Jarurat Mange), Halaaki Na Usse Faaka(Gareebi) Pahucha, Na Itne Baal-Baache Hai Jin Ki Takaq Nahi Rakhta Toh Qayamat Ke Din Iss Tarah Aayega Ki Uss Ke Muhh Par Ghosht Na Hoga”.

- ( Shoebul Imaan, Jild : 3, Safa : 274, Hadis : 3526 )

Jis Ne Zehar Pee Kar Khudkushi Ki

Bismillah Hir Rahman Nir Raheem

Huzoor (Sallallahu Alaihay Wasallam) Ne Farmaaya, “Jis Ne Zehar Pee Kar Khudkushi Ki, Us Ke Haath Me Zehar Hoga Aur Woh Jahannam Me Use Hamesha Peeta Rahega”

- ( Sahih Bukhari Sharif )

Dozakh Ki Aag Haraam Hai Aise Shaksh Par

Bismillah Hir Rahman Nir Raheem

Nabi-e-Paak (Sallallahu Alaihay Wasallam) Ne Irshad Farmaya, “Dozakh Ki Aag Haraam Hai Har Aise Shaksh Par Jo, Mizaj Ka Tez Na Ho, Narm Ho, Logon Ke Qarib Hone Wala Ho”

-: (Abu Dawud, Tirmizi Sharif)

Jis Ne Ilm Haasil Kiya

Bismillah Hir Rahman Nir Raheem

Hazrat Abu Hurairah (Radiyallahu Anhu) Se Marwi Hai Ki Huzoor Nabi-e-Kareem (Sallallahu Alaihi Wasallam) Ne Farmaya, “Jis Ne Ilm Haasil Kiya Jis Se Allah Ki Razamandi Haasil Ki Jaati Hai Lekin Agar Woh Ye Ilm Hasooli Duniya(Duniya ko Nicha Dikhane) Ke Liye Seekhta Hai Toh Qayamat Ke Roz Woh Jannat Ki Khushbu Bhi Nahin Payega”.

-: (Sunan Abu Dawud / Kitabul Ilm)

Hajir Raho Jumma Ke Khutba Ke Waqt

Bismillah Hir Rahman Nir Raheem

Hazrat Samurah Ibne Joondoob (Radi Allahu Ta’ala Anhu) Ne Kaha Ke, Nabi-e-Kareem (Sallallahu Alaihi Wasallam) Ne Farmaya, “Hajir Raho Khutba(Jumma Ke Khutba) Ke Waqt Aur Imaam Ki Najdik Raho, Isliye Ke Insaan Jitna Jyada Door Rahega, Utna Jyadah Jannat Me Pichhe Rahega. Bhale Wo Jannat Me Dakhil Jaroor Hoga.

- ( Abu Dawood, Anwarul Hadis Page-128 )

Kisi Ghulam Ko Uske Maalik Ke Khilaf Bhadkaana

Bismillah Hir Rahman Nir Raheem

Hazrat Abu Hurairah(Radi Allahu Anhu) Se Rivayat Hai Ki, Rasool Allah(Sallallahu Alaihi Wasallam) Ne Farmaya, “Jo Shaksh Kisi Aurat Ko Uske Shohar Ke Khilaf Ya Kisi Ghulam Ko Uske Aaqa(Maalik) Ke Khilaf Bhadkaaye Wo Hum(Imaan Walo) Me Se Nahi Hai “.

-: ( Sunan Abu Dawud, Vol 2, 408 – Sahih )

Imaan Ki 60 Se Zyada Shakhen Hai

Bismillah Hir Rahman Nir Raheem

Abu Hurera (Radhi Allahu Ta’ala Anhu) Se Riwayat Hai Ki Nabi-e-Kareem (Sallallahu Alaihay Wasallam) Ne Farmaya, “Imaan Ki 60 Se Zyada Shakhen Hai, Hayaa Aur Sharm Bhi Imaan Ki Ek Shakh Hai”.

-: ( Sahih Bukhari Sharif )

Jab Azaan Suno Toh

Bismillah Hir Rahman Nir Raheem

Nabi–Paak (Sallallahu Ta’ala Alayhi Wasallam) Ne Farmaya, “Jab Azaan Suno Toh Jawaab Do, Phir Mujh Par Durood Padho, Aur Mere Wasile Se Dua Maango”.

-: ( Sahih Muslim Safa:203, Hadees:384 )

Shab-e-Qadr Ko Ramazan Ke

Bismillah Hir Rahman Nir Raheem

Nabi-e-Kareem (Sallallahu Alaihay Wasallam) Ne Farmaya,
“Shab-e-Qadr Ko Ramzan Ke Ashra Ki Taaq Raato (21, 23, 25, 27, 29) Me Talaash Karo.

- ( Sahih Bukhari Sharif )

Shab-e-Qadr Naseeb Ho Jaye Toh

Bismillah Hir Rahman Nir Raheem

Ummul Momineen Ayesha (Radi Allahu Anha) Ne Arz Kiya Ki,
Aye Allah Ke Rasool (Sallallahu Ta’ala Alaihi Wa Aalihi Wa Sallam) ! Agar Mujhe Shab-e-Qadr Naseeb Ho Jaye Toh Kya Dua Karu?
Aap (Sallallahu Ta’ala Alaihi Wa Aalihi Wa Sallam) Ne Farmaya: Ye Kahna “Allahumma Innaka ‘Afuwwuntuhibbul ‘Afwa Fa’fu ‘Anni”.
Tarjuma : (Aye Allah Tu Muaf Karne Wala Aur Muaf Karne Ko Pasand Karta Hai So Mere Gunaah Muaf Farma De).

-: ( Sunan Ibn Majah, Vol 3, 731 )

Ramzaan Kya Cheez Hai

Bismillah Hir Rahman Nir Raheem

Abu Masood Ghaffari (Radiyallahu Anhu) Se Ek Taweel Hadees Riwayat Ki, Uss Me Ye Bhi Hai Ki, Huzoor (Sallallahu Alaihi Wa Sallam) Ne Farmaya,
“Agar Bandon Ko Ma’aloom Hota Ki Ramzaan Kya Cheez Hai, Toh Meri Ummat Tamanna Karti Ke Pure Saal Ramzaan Ho”.

- ( Ibne Khazina )

Rozedaron Ka Darwaza RAIYYAAN

Bismillah Hir Rahman Nir Raheem

Hazrat-e-Sahal Ibne Saad (Radiyallahu T’aala Anhu) Se Marwi Hai Ke,
Rasool Allah (Sallallahu T’aala Alahi Wasallam) Farmate Hain,
“Jannat Me 8 Darwaze Hain, Unme Ek Darwaze Ka Naam RAIYYAAN Hai,
Uss Darwaaze Se Wohi Jaayenge, Jo Roze Rakhte Hain.

-: ( Sahih Bukhari Sharif )

Imaan Aur Sawaab Ke Liye Roza Rakhna

Bismillah Hir Rahman Nir Raheem

Hazrate Abu Hurairah (Radiyallahu Ta’ala Anhu) Se Riwayat Hai Ke, Rasool Allah (Sallallahu T’aala Alaihi Wasallam) Ne Farmaya,
“Jo Imaan Ki Wajah Se Aur Sawaab Ke Liye Ramzan Ka Roza Rakhega Uske Gunaah Bakhsh Diye Jaayenge Aur Jo Imaan Aur Sawaab Ki Niyat se Ramzan Ki Raaton Ke Qayaam Karega (Nawafil Padhega) Uske Agle Gunaah Muaf Kar Diye Jaayenge”.

-: ( Sahih Bukhari, Muslim Sharif )

Ramzan Ke Rozo Ko Farz Kiya Hai

Bismillah Hir Rahman Nir Raheem

Huzoor Nabi-e-Kareem (Sallallahu Ta’ala Alaihi Wa Aalihi Wa Sallam) Ne Farmaya,
“Beshak Allah Ta’ala Ne Tum Par Ramzan Ke Rozo Ko Farz Kiya Hai Aur Maine Tumhare Liye Iski Raat Ki Ibaadat (Yaani Taraweeh) Ko Masnoon Kiya, Pus Jo Koyi Imaan Ke Saath Aur Talabe Sawaab Ki Niyat Se Iske Roze Rakkhega Aur Iski Ibaadat Ko Anjaam Dega Toh Woh Apne Gunahon Se Uss Din Ki Tarah Paak Ho Jaayega Jis Din Uski Maa Ne Usko Paida Kiya Tha”.

-: ( Nisai Sharif )

Roze Mein Bhool Kar Khana ya Peena

Bismillah Hir Rahman Nir Raheem

Abu Hurairah (Radi Allahu Anho) Se Rivayat Hai Ki, Rasool Allah (Sallallahu Alaihi Wasallam) Ne Farmaya, “Agar Koi Bhul Gaya Aur Kuch Kha Pee Liya Toh Usey Chahiye Ki Apna Roza Pura Karey Kyonki Usey Allah Ne Khilaya Aur Pilaya”

- (Sahih Bukhari, Vol3, 1933)

Jo Shakhs Ek Din Bhi Roza Rakhe

Bismillah Hir Rahman Nir Raheem

Hazrat Abu Saeed Khudri (Radiyallahu Anhu) Bayan Karte Hai Ke, Rasool Allah (Sallallahu Ta’ala Alaihi WaSallam) Ne Farmaya, “Jo Shakhs Ek Din Bhi Allah Ta’ala Ki Raah Me Roza Rakhega, Allah Ta’ala Jahannam Ki Aag Ko Uske Chehre Se Sattar Saal (70 Saal) Ki Musafat Tak Door Rakhega”.

-: (Sahih Muslim, Kitabus Siyam)

Rozedaar Ko Khud-Ba-Khud Qey

Bismillah Hir Rahman Nir Raheem

Hazrat Abu Huraira (Radhi Allahu Ta’ala Anhu) Se Riwayatt Hai Ke:
Aap Rasoolullah Sallallahu Ta’ala Alaihi Wasallam Ne Farmaya, “Jis Rozedaar Ko Khud-Ba-Khud Qey(Ulti) Aaye Iss Par Qaza Nahi Hai” Albutta Jo (Jaan Boojh Ker) Qey Karey Woh Qaza Rozey Rakhey.

-: ( Abu Dawood, Ibn-E-Maaja )