Quran-e-Karim Ke Ek Harf Ka Badla

Bismillah Hir Rahman Nir Raheem

Hazrat Abdullah Bin Masood (Razi Allahu Ta’ala Anhu) Riwayat Karte Hai Ki Rasool’Allah (Sallallahu Ta’ala Alaihi Wa Aalihi Wa Sallam) Ne Irshad Farmaya,
“Jo Shaks Quran-e-Karim Ka Ek Harf Padhe Uske Ek Harf Ka Badla Ek Neki Ke Barabar Milta Hai. Mai Yah Nahi Kehta Ki Alif Lam Meem Ek Harf Hai, Balki Alif Ek Harf Lam Ek Harf Aur Meem Ek Harf Hai. Yaani Yah Teen Harf Hue Iss Par 30 Nekiya Milegi”.

- (Tirmizi Sharif)

Munkir Ke Siwa

Bismillah Hir Rahman Nir Raheem

Nabi-E-Kareem (Sallallahu Alaihay Wasallam) Ne Farmaya :“Munkir Ke Siwa Meri Saari Ummat Jannat Me Jayegi”
Fir Farmaya “Jisne Meri Nafarmani Ki Wo Munkir Hai”

-: (Bukhari Sharif)

Ek Umrah Se Dusre Umrah Tak

Bismillah Hir Rahman Nir Raheem

Abu Huraira (Radhi Allahu Ta’ala Anhu) Se Rivayat Hai Ki, Rasool Allah (Sallallhu Alaihi Wasallam) Ne Farmaya: “Ek Umrah Se Dusre Umrah Tak Jitne Gunaah Ho Umrah Uska Kaffara Ban Jata Hai Aur Maqbool Hajj Ka Koi Badla Nahi Siwaye Jannat Ke.”

-:( Sunan Ibn Majah, Vol 1 , # 1045)

Jo Shaksh Gawahi De

Bismillah Hir Rahman Nir Raheem

Ubada Bin Samit (Radhi Allahu Ta’ala Anhu) Ne Kaha Ki, Rasool Allah (Sallallahu Alaihay Wasallam) Ne Farmaya, “Jo Shaksh (Sachchey Dil Se) Gawahi De Ki Allah Ke Siwa Koi Ibadat Ke Layaq Nahi Aur Muhammad (Sallallahu Alaihay Wasallam) Allah Ke Rasool Hain, Toh Allah Subhanahu Uss Par Jahannam Ko Haraam Kar Dega”.

-: (Sahih Muslim, Vol 1, 142)

Aadmi Ke Bura Hone Ke Liye

Bismillah Hir Rahman Nir Raheem

Nabi Paak Sallallahu Alaihay Wasallam Ne Farmaya: “Aadmi Ke Bura Hone Ke Liye Yehi Kafi Hai Ke Who Apne Musalman Bhai Ko Haqeer Samjhe.”

- (Sahih Muslim :: Kitabul Bar-Hadees 2523)

Rishtedaron Ke Sath Achchha Sulook

Bismillah Hir Rahman Nir Raheem

Huzoor (Sallallahu Alaihi Wasallam) Ka Farman-E-Alishan Hai: “Rishtedaron Ke Sath Achchha Sulook Karna Khandaan Me Mohabbat, Maal Me Kasrat Aur Umr Me Barkat Paida Karati Hai.”

-: (Tirmizi Sharif)

Uski Taraf Se Sadqa Hai

Bismillah Hir Rahman Nir Raheem

Hazrat Anas Bin Malik (RadiAllahu Anhu) Se Riwayat Hai Ki, Rasool Allah(Sallallahu Alahi Wasallam) Ne Farmaya, “Koi Bhi Musalman Jo Ek Darakht Ka Paudha (Small Tree) Lagaye Ya Khet Me Beej Boye Phir Uss Sey Parinda Ya Insaan Ya Janwar Jo Bhi Khate Hain Wo Uski Taraf  Se Sadqa Hai.”

-: (Sahih Bukhari)